«Panorama.am»-ի հաւաստի տեղեկութիւններոն համաձայն՝ Մայիս 28-ին Երեւանի պիտի ժամանէ աշխարհահռչակ երգիչ, երգահան եւ դաշնակահար Էլթըն Ճոն:
Աշխարհահռչակ երգիչը ընկերական յարաբերութիւններ ունի բրիտանահայ գործարար, բարերար Վաչէ Մանուկեանի հետ:
Երգիչին այցը այս անգամ պիտի ունենայ բարեգործական բնոյթ, սակայն տարուան ընթացքին չի բացառուիր նաեւ անոր համերգը Երեւանի մէջ:
Այս տարի կ’ակնկալուի նաեւ աշխարհահռչակ երաժիշտ Փիթըր Կապրիէլի այցը Հայաստան:
Ըստ աղբիւրին՝ ան ջերմ յարաբերութիւններ ունի Հայաստանի Հանրապետութեան նախագահ Արմէն Սարգսեանի հետ:
