Ռամկավար Ազատական Կուսակցութեան Կեդրոնական Վարչութիւնս մօտէն կը հետեւի Լիբանանի երեսփոխանական յառաջիկայ ընտրութիւններու գործընթացին:
Այս առիթով ՌԱԿ Կեդրոնական Վարչութիւնս կը հովանաւորէ ու զօրակցի ՌԱԿ Լիբանանի Շրջանային Վարչութեան կնքած ընտրական թէ քաղաքական դաշինքներուն ու կը շնորհաւորէ ու կը քաջալերէ ՌԱԿ Լիբանանի շրջանակը՝ իր քաղաքացիական իրաւունքներն ու պարտականութիւնները լաւապէս դրսեւորելու պատրաստակամութեան համար յառաջիկայ Մայիս 6-ին թէ՛ իր յարմար տեսած ՌԱԿ-ի անունով ընտրութիւններու ներկայացող թեկնածուներով ու թէ ընտրութեան մասնակցութեամբ:
Վերջապէս ՌԱԿ Կեդրոնական Վարչութիւնս իր անվերապահ նեցուկը կը յայտնէ ու յաջողութիւն կը մաղթէ ՌԱԿ Լիբանանի Շրջանային Վարչութեան ու անոր ատենապետին՝ Լիբանանի երեսփոխանական ընտրութիւններու թեկնածու ընկ. Տոքթ. Աւետիս Տագէսեանին՝ ինչպէս նաեւ ՌԱԿ-ի անունով ներկայացող միւս թեկնածուներուն՝ տիկ. Ալինա Կիւլվանէսեանին եւ ընկ. Արա Գոյունեանին:
Ի Դիմաց՝
Ռամկավար Ազատական Կուսակցութեան
Կեդրոնական Վարչութեան
Սեւակ Յակոբեան Սերխիօ Նահապետեան
Ատենադպիր Ատենապետ
