Վատիկանի մէջ ՀՀ դեսպանութիւնը Տիեզերական եկեղեցւոյ 36-րդ Վարդապետ Գրիգոր Նարեկացիին նուիրուած նոր նախաձեռնութիւն պիտի ունենայ:
Այս մասին, ըստ «Artsakhpress.am»-ի, դիմատետրի իր էջին գրած է Վատիկանի մէջ ՀՀ դեսպան Միքայէլ Մինասեան:
«2016 թուականին Հռոմի Սանթա Չեչիլիա Ազգային Ակադեմիայի հանրայայտ երգչախումբի կողմէ Սուրբ Իգնատիոս Լոյոլացի եկեղեցւոյ մէջ Ալֆրետ Շնիթգէի «խառն տիպի երգչախումբի համար քառամաս համերգ»-ի հիանալի կատարումը տպաւորած էր հիւրերը:
Համերգը նուիրուած էր Սուրբ Գրիգոր Նարեկացիի Տիեզերական եկեղեցւոյ Վարդապետ հռչակուելուն: Ստեղծագործութեան ընտրութիւնը պատահական չէր. Ալֆրետ Շնիթգեն 1984-1985 թուականներուն քառամաս համերգը ստեղծած է Գրիգոր Նարեկացիի «Մատեան ողբերգութեան» աշխատութեան երրորդ գլուխին հիման վրայ:
Այդ երեկոյեան, համերգի աննկարագրելի ուժի տպաւորութեան տակ, Սուրբ Աթոռի մէջ Հայաստանի դեսպանութեան խումբը որոշեց Տիեզերական եկեղեցւոյ 36-րդ Վարդապետին նուիրուած նոր նախաձեռնութիւն սկսիլ: Այժմ հերթը մտքի ու քանդակի վարպետներունը պիտի ըլլայ…»,- նշած է դեսպան Մինասեան:
