Հայաստանի մշակոյթի նախարարութիւնը Երեւանի Կապոյտ մզկիթը ԵՈՒՆԵՍՔՕ-ի մշակութային ժառանգութեան ցանկին մէջ ընդգրկելու գործընթացի ծիրէն ներս յայտ ուղարկած է Իրանի իր գործընկերներուն` ուսումնասիրութուններու եւ եզրակացութեան համար: Այս մասին, ըստ «PanARMENIAN.Nеt»-ի, յայտնած է ՀՀ մշակոյթի փոխնախարար Արեւ Սամուէլեան:
Իրանական լրատուամիջոցներու փոխանցմամբ, Իրանի մշակութային ժառանգութեան, ձեռնարուեստի եւ զբօսաշրջութեան կազմակերպութեան նախագահ Հոսէյն Թալեբիան ըսած է, որ մզկիթի մօտ գտնուող շարք մը կառոյցներ կը խոչընդոտեն գործընթացը: Ան աւելցուցած է, որ հարցը քննարկուած է Իրանի մէջ ՀՀ դեսպան Արտաշէս Թումանեանի հետ:
2013-ին ՀՀ Մշակոյթի նախարարութիւնը յայտարարած էր, որ մտադիր է Երեւանի Կապոյտ մզկիթը ԵՈՒՆԵՍՔՕ-ի մշակութային ժառանգութեան ցանկին մէջ ներկայացնելու գործընթաց սկսիլ: Իրանական կողմը ողջունած էր նախաձեռնութիւնը:
Քանի մը օր առաջ հաղորդած էինք, որ Իրան յայտարարած է Սպահան նահանգի Ջուղայի մէջ գտնուող հայկական Ս. Ամենափրկիչ եկեղեցին արձանագրել ԵՈՒՆԵՍՔՕ-ի համաշխարհային մշակութային ժառանգութեան ցանկին մէջ ընդգրկելու մասին: Իրանի մէջ գտնուող երեք հայկական եկեղեցի արձանագրուած է ցանկին մէջ:
