Տաւուշի մարզին մէջ ազրպէյճանական կողմի կրակոցէն վիրաւորուած զինծառայողի կեանքին վտանգ չի սպառնար: Ըստ «Արմենփրէս»-ի՝ յայտնած է ՀՀ ՊՆ մամուլի քարտուղար Արծրուն Յովհաննիսեան:
«Վիրաւորուած է զինծառայող Ադիբեկ Միկոյեանը: Ան Տաւուշէն տեղափոխուած է Երեւան: Բարեբախտաբար, կեանքին վտանգ չի սպառնար»,- յայտնած է Արծրուն Յովհաննիսեան:
Ըստ «NEWS.am»-ի՝ վիրաւորուածը պայմանագրային զինծառայող 30-ամեայ Ադիբեկ Միկոյեանն է: Ան տեղափոխուած է ՀՀ ՊՆ կեդրոնական զինուորական հիւանդանոց, վիճակը կայուն է:
Արծրուն Յովհաննիսեան ըսած է նաեւ, որ իրավիճակը Տաւուշի մէջ լարուած չէ: «Ամէն օր ալ կը կրակեն, բայց իրավիճակը լարուած չէ»,- ըսած է ՊՆ խօսնակը:
