«Լարք» երաժշտանոցին կազմակերպած «Դիլիջան» սենեկային երաժշտութեան 13-րդ համերգաշարին երրորդ ձեռնարկը տեղի պիտի ունենայ Կիրակի, Դեկտեմբեր 17-ին կ.ե. ժամը 3-էն սկսեալ Լոս Անճելըսի քաղաքամէջը գտնուող «Քոլպըռն» երաժշտանոցի «Զիփըր» համերգասրահին մէջ (200 S. Grand Ave., Los Angeles, CA 90012): Այս մասին կը հաղորդէ «Ասպարէզ»-ը։
«Ներշնչումներ» խորագրուած այս համերգին պիտի ներկայացուին Յարութիւնեանէն, Կոմիտասէն, Շուպերթէն եւ Տվորժաքէն ստեղծագործութիւններ:
Համերգի գլխաւոր մենակատարներն են՝ Շուշիկ Պարսումեան (սոփրանօ), Բորիս Ալահվերդեան (վերջերս նշանակուած Լոս Անճելըսի Ֆիլհարմոնիք նուագախումբի գլխաւոր աւագասրնգահար), Մովսէս Պօղոսեան (ջութակ), Ռապըրթ Տը Մէյն (թաւջութակ) եւ Սթիւըն Վանհաուվերթ (դաշնամուր):
Համերգի տոմսերուն սակը 20 կամ 35 տոլար է, իսկ ուսանողներու համար՝ 15 տոլար:
Տեղեր ապահովելու համար դիմել (818) 500-9997 թիւին, կամ այցելել https://www.itsmyseat.com/events/164816.html կայքէջը:
Յաւելեալ տեղեկութեանց համար այցելել՝
dilijan.larkmusicalsociety.com կայքը:
