Հայաստանի Հանրապետութեան նախագահ Սերժ Սարգսեան աշխատանքային այցով մեկնած է Մինսկ` մասնակցելու Հաւաքական անվտանգութեան պայմանագրի կազմակերպութեան (ՀԱՊԿ) հաւաքական անվտանգութեան խորհուրդի նստաշրջանին:
Մինսկի մէջ արդէն կայացած է Հաւաքական անվտանգութեան պայմանագրի կազմակերպութեան արտաքին գործոց նախարարներու խորհուրդի, պաշտպանութեան նախարարներու խորհուրդի եւ անվտանգութեան խորհուրդներու քարտուղարներու կոմիտէի համատեղ նիստը, որուն մասնակցած են Հայաստանի արտաքին գործոց նախարար Էդուարդ Նալպանտեանը, պաշտպանութեան նախարար Վիգէն Սարգսեանը, անվտանգութեան խորհուրդի աշխատակազմի ղեկավարի պաշտօնակատար Արամ Թանանեանը:
