Հանրայայտ երաժիշտը կը յորդորէ աջակցիլ Արցախի ականազերծման աշխատանքներուն:
Ըստ «Artsakhpress.am»-ի՝ աշխարհահռչակ ռոք-երաժիշտ Սերժ Թանկեան Facebook-ի իր բաժանորդներուն կոչ ըրած է աջակցելու Արցախի հակամարտութենէն տուժած տարածքներու ականազերծման աշխատանքներուն եւ նուիրատուութիւն ընելու «The HALO Trust» բրիտանա-ամերիկեան բարեգործական հիմնադրամին, որ ստանձնած է այդ առաքելութիւնը:
«Անոնց առաքելութիւնը օգնած է, որ այդ տարածքները անվտանգ դառնան բնակիչներուն համար, որպէսզի անոնք կարողանան տեղաշարժիլ առանց զոհուելու կամ վիրաւորուելու վախը իրենց սրտին: Նուիրաբերութիւն կատարելով այս կազմակերպութեան` կրնաք օգնել, որ Յարար գիւղի բնակիչներուն համար ապահով գօտիներ ստեղծուին»,- գրած է երաժիշտը:
Ան նաեւ ընդգծած է, որ նուիրաբերած գումարը պիտի կրկնապատկուի հիմնադրամի անանուն նուիրատուին շնորհիւ:
