Հայկական Lenz սթարթափը գործարկած է Ktav յաւելուածը, որու միջոցով կարելի է լուսանկարը վերածել գեղանկարի:
Յաւելուածը հնարաւորութիւն կու տայ ձեւափոխելու լուսանկարը հայ մեծանուն նկարիչներու` Մարտիրոս Սարեանի, Մինաս Աւետիսեանի, Կարզուի, Յակոբ Յակոբեանի, Վրոյր Գալստեանի, Արշիլ Կորքիի եւ այլոց ոճերով:
Անվճար յաւելուածին մէջ պիտի ընդգրկուին միայն հայ նկարիչներու ոճերը: Անիկա հասանելի է iOS եւ Android համակարգերու համար:
Ktav-ն առաջին անգամ ցուցադրուած է DiGiTec Expo 2017-ի ժամանակ: Գործարկման պահէն ներբեռնուած է աւելի քան 1000 անգամ:
