Հայաստանի դահուկասահքի հավաքականի անդամները ուսումնամարզական հավաք են անցկացնում Ֆինլանդիայում:
Այս մասին «Արմենպրես»-ի հետ զրույցում ասաց Հայաստանի դահուկասպորտի ֆեդերացիայի գլխավոր քարտուղար Գագիկ Սարգսյանը: «Նոր մրցաշրջանի նախապատրաստական փուլը սկսված է: 5 մարզիկ մեկնել են ուսումնամարզական հավաքի Ֆինլանդիա, որից հետո արդեն կսկսենք մասնակցել վարկանիշային մրցաշարերի»,-ասաց Սարգսյանը:
Ուսումնամարզական հավաքին մասնակցում են Սերգեյ Միքայելյանը, Միքայել Միքայելյանը, Թադևոս Պողոսյանը, Կատյա Գալստյանը: Հավաքականի մարզիչ Արթուր Միքայելյանի անձնական նախաձեռնությամբ և միջոցներով հավաքին մասնակցում է նաև Մարիամ Միքայելյանը:
