*ՍԵՒԱԿ ՅԱԿՈԲԵԱՆ*
Մինչ երեսփոխանական ընտրութիւններու թուականը կը մօտենայ, քաղաքական կողմեր ու անհատ թեկնածուներ կ՛աճապարեն իրենց թեկնածուներուն կամ անձերուն թեկնածութիւնը առաջադրել:
Այս խնդրով միակ կողմը, որ լուռ է, այն` Հըզպալլան է: Այս առնչութեամբ Հըզպալլայի միակ անպաշտօն յայտարարութիւնը այն եղաւ, որ իրենց ցանկերը կրնան նոր դէմքեր ընդգրկել:
Վերջերս այլ լռութեամբ մըն ալ յատկանշուեցաւ` Հըզպալլա: Մինչ, իր դաշնակիցը փողոց իջած կը դատապարտէր` Նահատակ Նախագահ Պաշիր Ժըմայէլի սպաննութեան հարցով Հապիպ Շարթունիի դէմ արձակուած դատավճիռը, Հըզպալլա ո՛չ միայն չմասնակցեցաւ այդ հաւաքներուն, այլ` ամբողջական լռութիւն պահեց այս հարցով (բացի երէկ կատարուած շէյխ Նաիմ Քասէմի անուղղակի ակնարկութեան), բան մը որ աւելի քան հետաքրքրական լռութիւն կարելի է համարել այս հանգրուանին…:
