Հայաստանի Հանրապետութեան վարչապետ Կարէն Կարապետեանի հրաւէրով՝ Հոկտեմբեր 24-ին, պաշտօնական այցով Հայաստան պիտի ժամանէ Ռուսիոյ Դաշնութեան վարչապետ Տմիթրի Մետվետեւը:
Այցին ծիրէն ներս՝ կը նախատեսուի Կարէն Կարապետեանի եւ Տմիթրի Մետվետեւի առանձնազրոյցը, որուն պիտի յաջորդեն ընդլայնուած կազմով բանակցութիւնները եւ փաստաթուղթերու ստորագրման արարողութիւնը:
ՀՀ կառավարութեան տեղեկատուութեան եւ հասարակայնութեան հետ կապերու վարչութեան փոխանցած տեղեկութիւններով՝ կը նախատեսուի նաեւ ՌԴ վարչապետին հանդիպումը ՀՀ նախագահ Սերժ Սարգսեանի հետ:
Հոկտեմբեր 25-ին, Տմիթրի Մետվետեւը, Երեւանի մէջ, պիտի մասնակցի նաեւ Եւրասիական միջկառավարական խորհուրդի նիստի աշխատանքներուն:
