ՀՀ նախագահ Սերժ Սարգիսեան շնորհաւորական ուղերձ յղած է Սոորոնպա Ժէենպեքովին Խրխզիստանի Հանրապետութեան նախագահ ընտրուելուն առիթով` մաղթելով բարօրութիւն եւ յաջողութիւն պետութեան ղեկավարի պատասխանատու գործունէութեան մէջ, իսկ Խրխզիստանի բարեկամ ժողովուրդին` խաղաղութիւն եւ բարգաւաճում:
ՀՀ նախագահի աշխատակազմի հասարակայնութեան եւ տեղեկատուութեան միջոցներու հետ կապերու վարչութեան տեղեկութիւններով, հանրապետութեան Նախագահի շնորհաւորական ուղերձին մէջ ըսուած է.
«Կ՝ուզեմ հաստատել հայ-խրխզական բարեկամական եւ փոխշահաւէտ յարաբերութիւններու յետագայ զարգացման գործին մէջ մեր հետաքրքրուածութիւնը: Համոզուած եմ, որ վերջին տարիներուն արձանագրած երկկողմ համագործակցութեան արդիւնքները՝ յետագայ զարգացում, իսկ համատեղ ջանքերը նոր ընթացքին պիտի ունենան` ի շահ միջպետական համագործակցութեան ներուժի աւելի լիարժէք բացայայտման:
Հայաստանի եւ Խրխզիստանի ժողովուրդներու բարեկամութեան եւ փոխադարձ յարգանքի բարի աւանդոյթները ամուր հիմք կը ծառայեն մեր պետութիւններու քաղաքական երկխօսութեան ընդլայնման, փոխշահաւէտ տնտեսական եւ մշակութային-մարդասիրական ծրագիրներու իրականացման, ՀԱՊԿ, ԵԱՏՄ, ԱՊՀ եւ այլ բազմակողմ միաւորումներու ծիրէն ներս փոխգործակցութեան աճին համար»:
