Սոչիի մէջ, Հոկտեմբեր 11-ին, սկսած է ԱՊՀ մասնակից պետութիւններու ղեկավարներու խորհուրդի նեղ կազմով նիստը, որուն կը մասնակցի աշխատանքային այցով Ռուսիոյ Դաշնութիւն մեկնած Նախագահ Սերժ Սարգսեանը: Նիստը կը նախագահէ հիւրընկալող երկրի նախագահ Վլատիմիր Փութինը:
ՀՀ նախագահի աշխատակազմի հասարակայնութեան եւ տեղեկատուութեան միջոցներու հետ կապերու վարչութեան փոխանցած տեղեկութիւններով՝ նիստին կը քննարկուին քաղաքական, տնտեսական, մշակութային-մարդասիրական ոլորտներու մէջ եւ ԱՊՀ գործունէութեան այլ առանցքային ուղղութիւններով համագործակցութեան յետագայ զարգացման վերաբերող հարցեր:
Խորհուրդի նիստներուն՝ պետութիւններու ղեկավարներու քննարկման արդիւնքները, ներառեալ` ստորագրուած փաստաթուղթերու մասին տեղեկատուութիւն, ԶԼՄ-ներու հետ հանդիպման կը ներկայացնէ ԱՊՀ գործադիր կոմիտէի նախագահ-գործադիր քարտուղար Սերգէյ Լեպետեւը:
