Լիբանանի մէջ իր այցելութիւններուն եւ հանդիպումներուն ծիրէն ներս Ընկ. Սերխիօ Նահապետեան եւ իրեն ընկերակցող պատուիրակութիւնը հանդիպեցաւ ՍԴՀԿ-ի ղեկավարութեան հետ:
Նոյն ծիրէն ներս հանդիպում մը կայացաւ ՀՅԴ Բիւրոյի անդամ Պրն. Բենիամին Պչաքճեանի եւ ՌԱԿի պատուիրակութեան միջեւ Պուրճ Համուտի Շաղզոյեան Կեդրոնին մէջ:
Պուրճ Համուտ իր այցելութեան միջոցին ընկ. Սերխիօ Նահապետեան հանդիպում մը ունեցաւ Պուրճ Համուտի քաղաքապետ՝ Պրն. Մարտիկ Պօղոսեանին հետ:: Քաղաքապետին այցելող ՌԱԿի պատուիրակութեան մաս կազմեցին ՌԱԿ Լիբանանի Շրջանային Վարչութեան ատենապետ՝ ընկ. Տոքթ. Աւետիս Տաքեսեան, Լիբանանեան Խորհրդարանի մէջ ՌԱԿի նախկին երեսփոխան, ԹՄՄ Հիմնադիրներու Մարմնի ատենապետ՝ ընկ. Յակոբ Գասարճեան եւ ՌԱԿ Կեդրոնական Վարչութեան ատենադպիր, «Զարթօնք» օրաթերթի խմբագիր՝ ընկ. Սեւակ Յակոբեան:
