Բեմադրիչ Ճօ Պերլինկըրը Հայոց Ցեղասպանութեան մասին նոր ֆիլմ նկարահանած է` Intent to Destroy: Death, Denial & Depiction:
Ըստ Artsakhpress.am-ի՝ Սերժ Թանկեանը իր Instagram –ին մէջ հրապարակած է ֆիլմին «թրէյլըր»-ը:
«Դիտեցէք Emmy-ի եւ Oscar-ի առաջադրուած բեմադրիչ Ճօ Պերլինկըրի նկարահանած Intent to Destroy: Death, Denial & Depiction ֆիլմին հզօր «թրէյլըր»-ը: Ատիկա, իրօք, ամենաուժեղ ֆիլմերէն է, որ ես երբեւէ տեսած եմ վերջին ժամանակներս:
Ինծի պատիւ տրուած է գրելու այդ ֆիլմին երաժշտութիւնը: Ֆիլմը Նոյեմբերին պիտի յայտնուի շարժանկարներու պաստառներուն: Մինչ այդ, մենք պիտի թողարկենք ժապաւէնի լիակատար «սաունտթրեք»-ը»,- գրած է Թանկեանը:
