2018 թվականից Հայաստանի Հանրապետության 99 համայնքում իրականացվելու է ոռոգման համակարգի արդիականացման ծրագիր։ «Արմենպրես»-ի հաղորդմամբ՝ այս մասին լրագրողների հետ զրույցում 2016 թվականի սեպտեմբերի 1-ից մինչև 2017 թվականի սեպտեմբերի 1-ն ընկած ժամանակահատվածում կատարված աշխատանքների մասին ամփոփիչ ասուլիս ժամանակ ասաց Ջրային տնտեսության պետական կոմիտեի նախագահ Արսեն Հարությունյանը։
«Ներդրումային ծրագրերի վերաբերյալ կարող եմ ասել, որ 2017 թվականի վերջին մրցույթ է հայտարարվելու և 2018 թվականից սկսվելու է ոռոգման համակարգերի շինարարությունը։ ՀՀ-ում թվով 99 համայնքում իրականացնելու ենք ոռոգման համակարգի արդիականացման ծրագիր։ Դրա արդյունքում այդ բոլոր համայնքներում կվերականգնվի 62,8 կմ մայր և երկրորդ կարգի ջրանցքներ, կվերականգնվի 277,4 կմ ներտնտեսային ցանց»,- նշեց Արսեն Հարությունյանը։
Ծրագրի ժամանակ իրականացվելիք աշխատանքները հնարավորություն կտան կոմիտեին՝ կտրուկ նվազեցնել այդ տարածքներում կորուստները և տարեկան կտնտեսվի շուրջ 14,3 մլն կվ/ժ էլեկտրաէներգիա։
