Արդարադատության նախարարությունը հանրությանը կներկայացնի «Տեղեկատվության ազատության մասին» ՀՀ նոր օրենքի նախագիծը: «Արմենպրես»-ի հաղորդմամբ` սեպտեմբերի 28-ին ՀՀ արդարադատության նախարարության վերջին մեկ տարվա աշխատանքների ամփոփմանը նվիրված ասուլիսին այս մասին ասաց նախարար Դավիթ Հարությունյանը:
«Տեղեկատվության ազատության մասին» օրենքի նախագծի շուրջ այժմ աշխատանքներ տարվում են և հենց որոշակի մոտեցումները պատրաստ լինեն, դրանք կներկայացվեն հանրությանը, հատկապես` լրատվամիջոցներին, որոնք տեղեկատվության վերաբերյալ հարցերի առաջին պահանջատերն են: Սակայն արդեն շրջանառության մեջ դրված նախագիծը, որը բուռն քննադատություն է առաջացրել, ունի որոշ չափով անհայտ ծագումնաբանություն»,- ասաց նախարարը:
Հարությունյանը ընդգծեց, որ առանց հանրային լայն քննարկման որևէ նախագիծ առաջ գնալ չի կարող, ուստի պետք է քննարկվի այն նախագիծը, որը մշակում և ներկայացնում է արդարադատության նախարարությունը:
«Մենք որոնում ենք ճանապարհներ՝ ինչպես թույլ չտալ իրավունքի չարաշահմամբ տեղեկատվություն պահանջել»,- նշեց Հարությունյանը:
