ՀՀ կառավարությունը մտադիր է 2018 թվականին Երևանում կազմակերպել միջազգային տնտեսական համաժողով: Գործադիրի նիստում վարչապետ Կարեն Կարապետյանը նշեց, որ վերջերս կայացած Հայաստան-Սփյուռք համաժողովի ընթացքում ներկայացրել են Հայաստանի տնտեսական հստակ ներուժի, ներդրումային ծրագրերի և արձանագրված տնտեսական աճի վերաբերյալ համալիր տեղեկատվություն, և այդ առումով գործադիրն ունի դա առավել հասանելի դարձնելու խնդիր։
«Այդ իսկ պատճառով հարկավոր է մեր գիտական և տնտեսական ներուժը հասանելի դարձնել համաշխարհային ճանաչում ստացած տնտեսական կազմակերպություններին և ձեռնարկատերերին, մեր երկրում կազմակերպելով ժամանակակից պահանջներին համապատասխանող տնտեսական միջոցառումներ»,- «Արմենպրես»–ի փոխանցմամբ, ասաց ՀՀ վարչապետը:
Ելնելով վերոնշյալից՝ Կարեն Կարապետյանը Կառավարության աշխատակազմի ղեկավարին հանձնարարեց մեկշաբաթյա ժամկետում Հայաստանում 2018 թվականին միջազգային տնտեսական
«Մենք իրականում ցանկանում ենք Հայաստանում ստեղծել տնտեսական և ներդրումային ռեգուլյար հարթակ, որտեղ պատմելու ենք, թե ինչպիսի Հայաստան ենք ուզում տեսնել վաղը, ինչ տեսլական ունենք, համաշխարհային ճանաչում ունեցող մասնագետների հետ քննարկել մեր մոտեցումները, պատկերացումները, ինչպես նաև այդ հարթակում ստեղծել հնարավորություն՝ մոր պոտենցիալ գործընկերներին ներկայացնելու այն նախագծերը, որոնք պատրաստում ենք և իրագործում»,- ասաց վարչապետը:
