Աջակցութեամբ՝ ՀՀ Սփիւռքի Նախարարութեան երէկ երեկոյեան ժամը 4:00-ին Հայաստանի Ազգային Գրադարանի, «Թամանեան»ի անուան մասնաշէնքի մեծ դահլիճին մէջ տեղի ունեցաւ Սփիւռքի Բաբախուն Սիրտ՝ Պէյրութի Հայատառ Օրաթերթ՝ ԶԱՐԹՕՆՔի 80-Ամեակի նշումը:
Յայտագիրին մէջ ընդգրկուած էր Զարթօնքի վերաբերող արխիւային նիւթերու ցուցահանդէս, որմէ ետք Զարթօնքի բարեկամ ներկաները մտիկ ըրին օրուայ զեկուցաբերներուն խօսքերը:
Ձեռնարկը իր ներկայութեամբ պատուեց ՀՀ Սփիւռքի փոխնախարար Սերժ Սրապիոնեան, ինչպէս նաեւ Ն.Ս.Օ.Տ.Տ. Արամ Ա Վեհափառին ներկայացուցիչը՝ Գերշնհ. Շահան Արքեպիսկոպոս Սարգիսեան:
Քննարկոեցան շատ մը կարեւոր նիւթեր, որոնց աւարտին պատուեցաւ «Զարթօնք» ամէնահին Գրաշարը՝ Արժանապատիւ Տէր Մովսէս Աւագ Քահանայ Ղուկասեանը:
Մնարամասնութիւնները, խօսքերուն ամբողջութիւնը եւ շնորհաւորագրեր շուտով լոյս կը տեսնեն յատուկ թիւով:
