Հայաստանի խոշոր զորամասերում առաջիկայում«Թումո» կենտրոններ կստեղծվեն: «Հայաստան-Սփյուռք» 6-րդ համաժողովի ընթացքում իր ելույթում այս մասին ասաց ՀՀ պաշտպանության նախարար Վիգեն Սարգսյանը:
«Մեր նպատակն է հասնել նրան, որ զինվորական ծառայությունն ավարտող երիտասարդները համակարգային գիտելիքների առումով գոնե անտառաճանաչ չլինեն, իսկ նրանք, ովքեր ունեն համապատասխան ջիղ և կարողություններ, բանակում ստացած համակարգչային գիտելիքներով կարողանան գոնե էլեմենտար ծրագրավորում իրականացնել և դրանով վաստակել իրենց օրվա հացը զինվորական ծառայությունից հետո»,– «Արմենպրես»-ի հաղորդմամբ՝ նշեց Վիգեն Սարգսյանը:
Նա հավելեց, որ համապատասխան պայմանավորվածություն «Թումո» կենտրոնի հետ արդեն ձեռք բերել են, սակայն նշեց, որ առաջարկը բաց է բոլորի համար և չեն սահմանելու միայն «Թումո»-ի հետ համագործակցությամբ:
