«Վերջին բնակիչը» ֆիլմով Վենետիկեան 74-րդ փառատօնին մասնակցած հայ բեմադրիչ Ջիվան Աւետիսեանը եւ նկարահանող խումբի անդամները հիւրընկալուած են Վենետոյի (Վենետիկ) նահանգապետ Լուգա Զայայի մօտ եւ անոր շնորհած «Ղարաբաղ կարպետ»-էն գորգ` հայերէն այբուբենի եւ Արարատ լերան պատկերով:
«Եւս մէկ պատմական օր Վենետիկի մէջ: Վենետօ մարզի վարչակազմը ջերմ ողջունած է մեր «Վերջին բնակիչ» ֆիլմը եւ տպաւորուած, որ հայկական ֆիլմը ներկայացուած է Վենետիկեան փառատօնին»,- կը հաղորդէ «Վերջին բնակիչ» ֆիլմի դիմատետրի էջը:
Ֆիլմը կը պատմէ հայկական Գիւջեւան գիւղի վերջին բնակիչին մասին: Գլխաւոր հերոս Աբգարը չի պատրաստուիր լքել հարազատ գիւղը, քանի որ կը սպասէ աղջկան, որ դարձած է ատրպէյճանական ջարդերու ականատեսն ու յայտնուած հոգեբուժական հիւանդանոցի մէջ:
