Արցախի Հանրապետութեան Սահմանադրութեան 169-րդ յօդուածին համաձայն, հանրապետութեան նախագահին կողմէ իր պաշտօնը ստանձնելուն առիթով, Սեպտեմբեր 7-ին, կառավարութիւնը հրաժարական ներկայացուցած է երկրի ղեկավարին: Այս մասին կը տեղեկացնէ Արցախի Հանրապետութեան նախագահի աշխատակազմի տեղեկատուութեան գլխաւոր վարչութիւնը:
Նոյն օրը, Նախագահ Բակօ Սահակեանը ստորագրած է հրամանագիր՝ կառավարութեան հրաժարականը ընդունելու մասին:
Ըստ հրամանագիրին, հանրապետութեան կառավարութեան անդամները պիտի շարունակեն իրենց պարտականութիւններու կատարումը, մինչեւ նոր կառավարութեան կազմաւորումը:
