Հանրակացարաններում երկար տարիներ բնակվող տեղաբնակ բնակիչների և նրանց ընտանիքների բնակարանային խնդիրները լուծելու նպատակով գործադիրն ընդունեց «Բնակելի տարածք նվիրելու մասին» որոշում: ՀՀ պետական գույքի կառավարման վարչության պետ Արման Սահակյանը նշեց, որ որոշմամբ նախատեսվում է Երևան քաղաքի և Արագածոտնի, Շիրակի, Կոտայքի, Վայոց ձորի, Արմավիրի մարզերի հանրակացարաններում բնակվող ՀՀ քաղաքացիներին նվիրել իրենց կողմից զբաղեցրած բնակելի տարածքները:
«Այս որոշմամբ կլուծվի ընդհանուր առմամբ 46 ընտանիքի բնակարանային հարցը»,- «Արմենպրես»-ի փոխանցմամբ, ասաց Պետական գույքի կառավարման վարչության պետը:
