Արցախի մէջ տնտեսական աշխուժութեան ցուցանիշը աճած է 15%-ով:
Ըստ ԱՎԾ տուեալներուն` 2017 Յունիսին տնտեսական աշխուժութեան ցուցանիշը 2016 Յունիսի համեմատ կազմած է 113.9 տոկոս, 2017 Մայիսի համեմատ` 142.5 տոկոս, իսկ 2017 Յունուար-Յունիսին (աճողական) 2016 Յունուար-Յունիսի համեմատ` 115.0 տոկոս:
2017 Յունուար-Յունիսին ԼՂՀ համախառն ներքին արդիւնքը կազմած է 102,2 միլառ դրամ` 2016 Յունուար-Յունիսի 87.7միլիառ դրամի փոխարէն: ՀՆԱ-ի յաւելաճին ընթացքը կազմած է 14.9 տոկոս:
2017 Յունուար-Յունիսին, մէկ շունչին հասնող ՀՆԱ-ն, ընթացիկ գիներով, կազմած է 699.8 հազար դրամ, 1444.2 տոլար կամ 1333.3 եւրօ:
ՀՆԱ-ի արձանագրուած 14.9 տոկոս յաւելաճին շուրջ 6.0 տոկոսային կէտը ապահոված է հանքագործական արդիւնաբերութիւնը եւ բացահանքերու շահագործումը, 2.6 տոկոսային կէտը` ելեւմտական եւ ապահովագրական գործունէութիւնը, 2.4 տոկոսային կէտը` շինարարութիւնը, 2.1 տոկոսային կէտը` ելեկտրականութեան, կազի, գոլորշիի եւ լաւորակ օդի մատակարարումը:
