Նախօրէին թրքական «KanalD» հեռատեսիլի կայանով ցուցադրուած է ռուսական արտադրութեան «Պահապանները» ֆանթասթիք ժանրի ֆիլմը, որ թուրք հանդիսատեսին մէջ բարձրացուցած է բողոքի ալիք: Այս մասին կը հաղորդէ «Ermenihaber.am»-ը։
Պատճառը այն է, որ ֆիլմին մէջ Արարատ լեռը եւ Վանայ լիճը ներկայացուած են իբրեւ Հայաստանի մէկ մասը: Ֆիլմին մէջ, դերասաններու միջեւ տեղի ունեցած երկխօսութեան ժամանակ, կ’օգտագործուի «Հայաստանի մէջ` Արարատ լերան մերձակայքը» արտայայտութիւնը:
Ֆիլմի ցուցադրման առնչութեամբ քննադատական հրապարակում տեղ գտած է թրքական «Aydındlık» թերթին մէջ, ուր կ’ըսուի, թէ իբր «KanalDե-» միլիոնաւոր մարդոց կը ստիպէ թրքերէն թարգմանութեամբ դիտել արտասահմանեան ֆիլմ մը, որ չի ճանչնար «Թուրքիոյ տարածքային ամբողջութիւնը»: Հրապարակումը կը կրէ «Արարատը Հայաստանին տուին» վերնագիրը:
Նշենք, որ «Պահապանները» ֆանթասթիք մարտաֆիլմի բեմադրիչը ռուսիա բնակող հայ Սարիկ Անդրէասեան:
Ֆիլմին մէջ հանդէս կու գան դերասաններ Անթոն Փամփուշնին, Սանժար Մատին, Սեբաստեան Սիսակը, Ալինան Լանինան, Սթանիսլաւ Շիրինը եւ ուրիշներ:
Ֆիլմը կը պատմէ Սովետական շրջանին մէջ ապրող հերոսներու մասին, որոնք ամերիկեան The Avengers-ի կրկնօրինակներն են: Անոնք կ՝ապրին պաղ պատերազմի տարիներուն եւ երկար ժամանակ կը թաքցնեն իրենց ունակութիւնները: Սակայն, երկրի համար բարդ իրավիճակը հաշուի առնելով` կը ցուցադրեն իրենց կարողութիւնները եւ կը սկսին պայքարիլ: Այս հերոսները 30 տարբեր երկիրներու ներկայացուցիչներ են:
