Ն.Ս.Օ.Տ.Տ. ԱՐԱՄ Ա
ՄԵԾԻ ՏԱՆՆ ԿԻԼԻԿԻՈՅ ԿԱԹՈՂԻԿՈՍԻՆ
Անթիլիասի միաբանութեան եւ սրբազանի հարազատներուն,
Ցաւով տեղեկացանք Տ. Նորայր եպս. Աշըգեանի վախճանման բօթը, որ առանձնակի ցաւ ու կսկիծ պատճառեց բոլորիս: Անժամանակ էր մահը հայ նուիրեալ հոգեւորականին, ով Աստուծոյ հաւատարիմ իր ողջ կեանքը նուիրեց հայ ժողովուրդին եւ Մեծի Տանն Կիլիկիոյ Կաթողիկոսութեան: Հոգեւոր Հայրը այն երջանիկներէն էր, որ աշխարհ եկաւ յատուկ առաքելութեամբ եւ կեանքէն հեռացաւ պայծառ յիշատակով: Անոր հոգեթով ձայնով աղօթքները, իմաստալից քարոզները, հայաշունչ ճառերը, ծննդավայր Քեսապէն ժառանգած ոգիի տոկունութիւնը, առանձնակի պատկառանք կը հաղորդէին հոգեւորականի իր նկարագրին։
Սրբազան հօր գործունէութիւնը միշտ բարձր գնահատուած է Մեծի Տանն Կիլիկիոյ Կաթողիկոսութեան կողմէն: Այդ մասին կը վկայէ Արամ Ա Կաթողիկոսի տարեսկզբին Սուրիա այցին՝ Սրբազան հօր պատուիրակութեան անդամ ըլլալը, ապա նաեւ վերջին տարիներուն Մեծի Տանն Կիլիկիոյ Կաթողիկոսարանի տպարանի վարիչի պաշտօն ստանձնելը:
Երկար տարիներ հովուական ծառայութիւն մատուցելով Գամշլիի հայկական համայնքի մէջ՝ իբրեւ Ճէզիրէի փոխանորդական առաջնորդի, ան վայելած է տեղի հայութեան վստահութիւնն ու համակրանքը եւ մինչեւ վախճանը կապը շարունակած է իրեն հարազատ դարձած շրջանի զաւակներուն հետ, ինչը կը վկայէ հոգեւորականի երախտագիտութեան մասին։
Մխիթարուինք այն գիտակցութեամբ, որ Սրբազան հօր անմահ հոգին երկնքի անդաստանին մէջ միշտ կը գտնուի լոյսերու մէջ:
Սրտի խորը կսկիծով`
ՀՐԱՆՈՅՇ ՅԱԿՈԲԵԱՆ
ՀՀ ՍՓԻՒՌՔԻ ՆԱԽԱՐԱՐ
