Ֆրանսայի մէջ, այս տարի, առաջին անգամ, պիտի իրականացուի տուտուկի փառատօն:
Ըստ «Armenpress.am»-ի՝ այս մասին լրագրողներու հետ այսօրուան հանդիպման ժամանակ՝ ըսած է Պ. Ի. Չայքովսքիի անուան միջնակարգ երաժշտական մասնագիտական դպրոցի տնօրէն Մարտուն Կոստանդեան։
«Մեր հայրենակից Լեւոն Չատիկեանին շնորհիւ՝ Ֆրանսայի մէջ տասը տարի առաջ հիմնուած են տուտուկի պետական դասարաններ, որոնք կը գործեն Ֆրանսայի երեք երաժշտանոցներուն մէջ: Փառատօնը կ’իրականացուի այդ առիթով»,- նշած է Կոստանդեանը:
Ան ընդգծած է, որ փառատօնին պիտի մասնակցին իրենց դպրոցի սաները, որոնց հետ Ֆրանսա պիտի մեկնին նաեւ տուտուկի վարպետներ` վարպետութեան դասեր իրականացնելու նպատակով:
Փառատօնը կ’իրականացուի Հայ-ֆրանսական մանկական նուագախումբի` Ֆրանսա կատարելիք շրջագայութեան ծիրէն ներս:
