Յունիս 23-ին ԵԽ-ի մէջ Հայաստանի Հանրապետութեան մշտական ներկայացուցչութեան անդամները մասնակցած են «Արցախի ձայներ» երգչախումբի համերգին, որ տեղի ունեցած է Գերմանիոյ Քել քաղաքին մէջ: Այս մասին կը յայտնեն ԱԳՆ մամուլի եւ տեղեկատուութեան վարչութենէն։
Համերգէն առաջ, Եւրոպայի խորհուրդին մէջ ՀՀ մշտական ներկայացուցիչ Պարոյր Յովհաննիսեան՝ իր եւ Գերմանիոյ մէջ ՀՀ դեսպան Աշոտ Սմբատեանի անունով հանդէս եկած է ողջոյնի խօսքով, որուն ընթացքին մասնաւորապէս նշած է, որ տուեալ համերգով մեկնարկը տրուած է «Արցախի ձայներ» խումբին հերթական եւրոպական շրջագայութեան, եւ անիկա բացառիկ հնարաւորութիւն կ՝ընձեռնէ օրուան հանդիսատեսին` ծանօթանալու երգչախումբի արուեստին եւ գնահատելու զայն:
