Երէկ պաշտպանութեան նախարարութեան զինուորական հիւանդանոց տեղափոխուած է վիրաւոր զինուոր Եուրի Արմէնի Զաքարեանը:
ՊՆ զինուորական հիւանդանոցի վերակենդանացման բաժանմունքի պետ Գայիանէ Յովհաննիսեան լրագրողներուն յայտնած է, որ ան ունի գլխու թափանցող հրազէնային վիրաւորում:
«Վիճակը կը գնահատուի ծայրայեղ ծանր: Անգիտակից վիճակի մէջ է, անոր միացուած է արհեստական շնչառութիւն: Հետազօտութիւններու արդիւնքներէն մեկնած` վիրահատական միջամտութեան կարիք չունի»,- «Panorama.am»-ի փոխանցմամբ ըսած է ան:
Գ․ Յովհաննիսեանի խօսքով, Եուրի Զաքարեան Ստեփանակերտի հիւանդանոցին մէջ արդէն վիրահատուած է:
«Ան վիրաւորուած է Յունիս 17-ին, մեր մօտ տեղափոխուած է Յունիս 19-ին»,-ըսած է ան:
