Երեւանի աւագանիի ընտրութիւններուն մասնակցելու յայտ ներկայացուցած է երեք քաղաքական ուժ՝ Հայաստանի Հանրապետական կուսակցութիւնը, «Ելք» դաշինքը եւ «Երկիր ծիրանի» կուսակցութիւնը:
Հայաստանի Հանրապետական կուսակցութեան համամասնական ցուցակը պիտի գլխաւորէ Երեւանի գործող քաղաքապետ Տարօն Մարգարեան, «Ելք» դաշինքի ցուցակը` «Քաղաքացիական պայմանագիր» կուսակցութեան վարչութեան անդամ, Ազգային ժողովի պատգամաւոր Նիկոլ Փաշինեան, իսկ «Երկիր ծիրանի» կուսակցութեան ցուցակը` Զարուհի Փոստանջեան:
Երեւանի աւագանիի ընտրութիւնները տեղի պիտի ունենան 2017-ի Մայիս 14-ին: Նախընտրական քարոզարշաւը պիտի սկսի Ապրիլ 21-ին եւ պիտի աւարտի Մայիս 12-ին: Ընտրութիւններուն մասնակցելու յայտ ներկայացուցած քաղաքական ուժերու համամասնական ցուցակներու արձանագրութեան գործընթացը Կեդրոնական ընտրական յանձնաժողովը պիտի իրականացնէ 2017-ի Ապրիլ 9-14:
