Հոլիվուտեան օսքարակիր դերասան Ճորճ Քլունի Լոնտոնի մէջ մասնակցած է Հայոց ցեղասպանութեան մասին պատմող «Խոստումը» ֆիլմի ցուցադրութեան: Այս մասին յայտնած է երաժիշտ, ֆիլմի երաժշտութեան հեղինակ Քրիս Քորնըլ:
Համացանցին մէջ ֆիլմի արտադրողները սկսած են #պահպանէխոստումը (#keepthepromise) արշաւին, որուն միջոցով ֆիլմին իրենց աջակցութիւնը յայտնած են երաժիշտ Էլթըն Ճոն, դերասան Սիլվեսթըր Սթալոնէ, երգչուհի Շեր, Պարպարա Սթրէյզանտ, թենիսիստ Անդրէ Ակասի, դերասաններ Լէոնարտօ Տիքափրիօ, Տին Քէյն եւ Օուեն Ուիլսըն:
«Խոստումը» ֆիլﬕ նկարահանման ծախսերը հոգացած է աﬔրիկահայ գործարար, ﬕլիառատէր Քըրք Գրիգորեան։
