Օսքարակիր դերասան Լէոնարտօ տի Քափրիօ իր աջակցութիւնը յայտնած է Հայոց Ցեղասպանութեան մասին` «Խոստումը» ֆիլմին առիթով:
Դերասանը իր ֆէյսպուքեան պաշտօնական էջին մէջ գրած է.
«Օսքար Այզեքը, Քրիսթիան Պէյլը եւ Շարլոտ լէ Պոնը` Թերի Ճորճի ղեկավարութեամբ, արտասովոր խաղ ցուցադրած են «Խոստումը» ֆիլմին մէջ: Կ’ողջունեմ ամբողջ կազմին` առասպելական արտադրող Մայք Մետովոյի գլխաւորութեամբ, որուն տաղանդն ու նուիրուածութիւնը կեանքի կոչեցին այս կարեւոր նախագիծը»:
Յիշեցնենք, որ նախապէս ֆիլմին իր աջակցութիւնը յայտնած էր երաժիշտ էլթըն Ճոն, ինչպէս նաեւ` դերասան Սիլվեսթըր Սթալոնէ.
Բեմադրիչ Թերի Ճորճի Հայոց Ցեղասպանութեան մասին պատմող «Խոստումը» ֆիլմը արդէն քանի մը ամիսէ ո՛չ միայն հայ, այլեւ համաշխարհային հանդիսատեսին ուշադրութեան կեդրոնին է: Ֆիլմին մէջ նկարահանուած են Հոլիուտեան աստղեր Օսքար Այզեք, Քրիսթիան Պէյլ, Շարլոտ լէ Պոնը, ինչպէս նաեւ Հոլիվուտի մէջ յայտնի հայուհի Անժելա Սարաֆեան:
