Արցախի Հանրապետութեան մէջ 2017 թուականի Փետրուարին արձանագրուած է 172 ծնունդ:
Արցախի Հանրապետութեան ազգային վիճակագրական ծառայութեան տուեալներով՝ 2016 թուականի Փետրուարին Արցախի Հանրապետութեան մէջ արձանագրուած է 220 ծնունդ, որ կը նշանակէ թէ ցուցանիշը նուազած է 48-ով:
2017 թուականի Փետրուարին, Արցախի մէջ մահացած է 110 մարդ, իսկ բնակչութեան բնական աճը այս տարուան Փետրուարին կազմած է 62 մարդ: 2016 թուականի Փետրուարին Արցախի Հանրապետութեան մէջ արձանագրուած է 220 ծնունդ եւ 103 մահ, բնակչութեան բնական աճը կազմած է 117 մարդ:
2017 թուականի Փետրուարին Արցախի Հանրապետութեան մէջ արձանագրուած ամուսնութիւններուն թիւը կազմած է 51, ամուսնալուծութիւններուն թիւը` 17:
2016 Փետրուարին հանրապետութեան մէջ արձանագրուած ամուսնութիւններուն թիւը կազմած է 57, ամուսնալուծութիւններուն թիւը` 15:
2016 Փետրուարին ԱՀ մէջ պաշտօնապէս հաշուառուած եկողներուն քանակը (առանց ներքին տեղափոխութիւններուն) կազմած է 57, իսկ մեկնողներուն քանակը` 48 մարդ:
