ՀՀ Ազգային անվտանգութեան ծառայութիւնը այս տարուան Մարտին նախնական տեղեկութիւններ ստացած է Հայաստանի քաղաքացիներու կողմէ Վրաստանի Հանրապետութենէն մաքսանենգ եղանակով Հայաստանի Հանրապետութիւն «Իգլա» տեսակի զենիթա-հրթիռային համալիր տեղափոխելու մասին:
ԱԱԾ-էն կը յայտնեն, որ ձեռնարկուած քննչական գործողութիւններու եւ հետախուզական միջոցառումներու արդիւնքով յայտնաբերուած եւ գրաւուած է «Իգլա» տեսակի զենիթա-հրթիռային համալիրի արձակման խողովակ` «9M39» հրթիռով:
Դէպքին առթիւ 2017-ի Մարտ 22-ին Հայաստանի Ազգային անվտանգութեան ծառայութեան քննչական վարչութեան կողմէ ՀՀ քրէական օրէնսգիրքի 235-րդ 2-րդ մասի եւ 235.1-րդ յօդուածի 2-րդ մասի 1-ին կէտի յատկանիշներով յարուցուած է քրէական գործ:
Երկու անձ ձերբակալուած է:
Նախաքննութիւնը կը շարունակուի, միջոցներ կը ձեռնարկուին զէնքի (ռազմամթերքի) ապօրինի շրջանառութեան առնչութիւն ունեցած այլ անձեր յայտնաբերելու եւ գործի համար նշանակութիւն ունեցող միւս հանգամանքները բացայայտելու ուղղութեամբ:
