Մարտ 21-ին եւ լոյս 22-ի գիշերը արցախա-ազրպէյճանական հակամարտ զօրքերու շփման գօտիի վրայ հակառակորդը տարբեր տրամաչափի հրաձգային զինատեսակներով, որոնց շարքին` դիպուկահար հրացաններ, հրադադարը խախտած է շուրջ 35 անգամ` հայ դիրքապահներու ուղղութեամբ արձակելով աւելի քան 400 կրակոց:
Արցախի Հանրապետութեան պաշտպանութեան նախարարութեան մամուլի ծառայութեան հաղորդմամբ` ազրպէյճանական զինուժը դիպուկահար հրացաններով բուռն կրակ բացած է արեւելեան եւ հիւսիսարեւելեան հատուածներուն վրայ` արձակելով 31 կրակոց:
ՊԲ առաջապահ զօրամասերը կը շարունակեն վստահօրէն իրականացնել մարտական հերթապահութիւն` պատասխան գործողութիւններու դիմելով միայն խիստ անհրաժեշտութեան պարագային:
