ԵԱՀԿ առաքելութիւնը այսօր Լեռնային Ղարաբաղի եւ Ազրպէյճանի զինուած ուժերու սահմանագիծի ծրագրային դիտարկում իրականացուցած է Ասկերանի շրջանի ուղղութեամբ` Շխլեար բնակավայրին մօտակայքը:
Ըստ Լեռնային Ղարաբաղի արտաքին գործոց նախարարութեան հաղորդագրութեան, դիտարկումը անցած է ըստ նախատեսուած ժամանակացոյցի եւ չեն արձանագրուած հրադադարի խախտումներ: Սակայն, ազրպէյճանական կողմը ԵԱՀԿ առաքելութիւնը չէ տարած յառաջապահ դիրքեր:
Դիտարկման ժամանակ առաքելութեան՝ ղարաբաղեան կողմէն՝ ուղեկցած են Ղարաբաղի արտաքին գործոց նախարարութեան եւ պաշտպանութեան նախարարութեան ներկայացուցիչները:
