Լոս Անճելըսի Քաղաքային խորհուրդի անդամ Փոլ Գրիգորեան, Փետրուար 13-ին, բացումը կատարած է Լոս Անճելըս Հոլի Հայոց Ցեղասպանութեան 100-րդ տարելիցին նուիրուած Նրան ծառ ցուցատախտակին։ Այս մասին կը հաղորդէ ԱՄՆ-ի «Ասպարէզ» օրաթերթը։
2015-ի Ապրիլին, Գրիգորեանը տնկած էր նուռի առաջին ծառը, անոր միջոցով սկիզբ դնելով քաղաքի այգիներուն մէջ 100 նուռի ծառ տնկելու ծրագիրին։
Ցուցատախտակին վրայ կը կարդանք. «Լոս Անճելըսի քաղաքապետարանը կը յիշատակէ Հայոց Ցեղասպանութեան 100-րդ տարելիցը՝ 1915-2015։ Այս ծառը տնկած են քաղաքապետ Էրիք Կարսէթի եւ քաղաքային խորհուրդի անդամ Փոլ Գրիգորեան, 100-րդ տարելիցի ոգեկոչման առիթով»։
«Նուռը հայկական մշակոյթի ամենանշանակալի խորհրդանիշներէն մէկն է։ Անիկա յոյսի, վերածնունդի եւ փրկութեան նշանն է Հայոց Ցեղասպանութենէն ետք»,- իր խօսքին մէջ նշած է Փոլ Գրիգորեան։
