Հանրապետական կուսակցութեան համամասնական ցուցակը Ապրիլ 2-ին կայանալիք խորհրդարանական ընտրութիւններուն պիտի գլխաւորէ պաշտպանութեան նախարար Վիգէն Սարգսեանը: Այս մասին Փետրուար 14-ին Հայաստանի հանրապետական կուսակցութեան Գործադիր մարմինի նիստէն ետք լրագրողներուն յայտնեց ՀՀԿ խօսնակ Էտուարտ Շարմազանովը:
Ան ներկայացուց ցուցակին առաջին 10 անունները ու նշեց, որ համամասնական ցուցակը բաղկացած է 64 ներկայացուցիչէ, իսկ տարածքայինը` 133 քաղաքացիէ:
- Վիգէն Սարգսեան
- Տարօն Մարգարեան
- Արփինէ Յովհաննիսեան
- Արա Պապլոյեան
- Արմէն Ամիրեան
- Արմէն Աշոտեան
- Էտուարտ Շարմազանով
8 .Մարգարիտ Եսայեան
9 .Սամուէլ Ֆարմանեան
10․Կարէն Աւագեան
ՀՀԿ շտապը ղեկավար պիտի չունենայ: Շարմազանովի խօսքով, ՀՀԿ-ն որոշած է, որ շտապը պէտք է ղեկավարուի Գործադիր մարմինի կողմէ` նախագահ Սերժ Սարգսեանի գլխաւորութեամբ: «Գործադիր մարմինը պիտի համակարգէ եւ գլխաւորէ ՀՀԿ –ի նախընտրական քարոզարշաւը ապրիլեան ընտրութիւններուն»,-ըսած է ան:
«Մենք կը գտնենք, որ այսպիսի ցուցակով ՀՀԿ-ն մեծ հնարաւորութիւն ունի ազատ մրցակցութեան պայմաններու մէջ արձանագրելու լուրջ յաջողութիւն ընտրութեան ժամանակ»,- ըսած է ան, կը գրէ Panorama.am-ը:
