Փետրուար 9-ին, ժամը 19:00-ին, Արամ Խաչատրեանի տուն-թանգարանին մէջ տեղի պիտի ունենայ «Հայաստանի դրախտի պարտէզ» խորագիրով «Երաժշտական Հինգշաբթի Խաչատրեանի տանը» շարքին հերթական համերգը:
ՀՀ մշակոյթի նախարարութեան մամուլի եւ տեղեկատուութեան վարչութեան փոխանցած տեղեկութիւններով՝ համերգի ընթացքին ելոյթ պիտի ունենայ «Օշական» քառեակը. Էկա Հորստկայ (սոփրանօ, հարուածայիններ), Արտակ Ասատրեան (տուտուկ), Աստղիկ Սնեցունց (քանոն), Գրիգոր Առաքելեան (հայկական վիոլա): Գեղարուեստական ղեկավար եւ մշակումներու հեղինակ` Գրիգոր Առաքելեան:
«Օշական» քառեակի ներկայացուող ծրագիրը կը ներառէ հայ միջնադարեան երաժշտութեան գրեթէ բոլոր ճիւղերը. հոգեւոր, գեղջկական, դիւցազներգական, գուսանական: Համոյթի գեղարուեստական ղեկավար Գրիգոր Առաքելեանի կողմէն մշակուած երգերը կոչուած են նոր շունչով ներկայացնելու հայ միջնադարեան երաժշտարուեստը:
