Փետրուար 5-ին հայ-ազրպէյճանական սահմանագօտիի Իջեւան-Ղազախ հատուածին վրայ «Կարմիր խաչ»-ի միջնորդութեամբ կազմակերպուած հանդիպման ժամանակ Ազրպէյճանի ներկայացուցիչներուն յանձնուած է Չինկիզ Կուրպանովի դիակը:
Այդ մասին կը տեղեկացնէ ՀՀ պաշտպանութեան նախարարութիւնը:
2016-ի Դեկտեմբեր 29-ին, Ազրպէյճանի զինուած ուժերը ներթափանցման փորձ իրականացուցած էին Տաւուշի մարզի Չինարի գիւղի հարաւ-արելեան ուղղութեամբ, որ սակայն հայկական կողմի ձեռնարկած գործողութիւններուն շնորհիւ ձախողած էր: Հակառակորդը ետ մղուած էր ձգելով մէկ դիակ: Ցաւօք, հայկական կողմը եւս երեք զոհ ունեցած էր:
