Փետրուար 6-ին՝ ժամը 11:00-ին, պաշտպանութեան բանակի հիւսիս-արեւելեան ուղղութեամբ տեղակայուած զօրամասերէն մէկու մէջ, հակառակորդին կողմէ հրադադարի խախտման արդիւնքով, մահացու վէրք ստացած է ՊԲ զինծառայող, 1997-ի ծնունդ Գոռ Համազասպի Գարեգինեանը:
ԼՂՀ ՊԲ-էն կը յայտնեն, որ դէպքի մանրամասնութիւնները պարզելու համար կը կատարուի քննութիւն:
«ԼՂՀ պաշտպանութեան նախարարութիւնը կը կիսէ կորստեան ծանր վիշտը եւ իր զօրակցութիւնը կը յայտնէ զոհուած զինծառայողի ընտանիքի անդամներուն, հարազատներուն եւ ծառայակիցներուն»,- ըսուած է հաղորդագրութեան մէջ:
