Հայկական բանակի կազմաւորման 25-րդ տարեդարձին առիթով ՀՀ նախագահ, զինուած ուժերու գերագոյն գլխաւոր հրամանատար Սերժ Սարգսեան` հայրենիքի սահմանները պաշտպանելու ընթացքին ցուցաբերած խիզախութեան, անձնուրաց քաջութեան, անմնացորդ նուիրումին, ինչպէս նաեւ բանակաշինութեան եւ զօրքերու մարտական պատրաստուածութեան գործին մէջ ունեցած իրենց աւանդին համար շուրջ երկու հարիւր զինծառայողներ եւ ազատամարտիկներ պարգեւատրած են Հայաստանի Հանրապետութեան բարձրագոյն պարգեւներով, շքանշաններով ու մետալներով, շնորհած նաեւ բարձրագոյն զինուորական կոչումներ:
Հանրապետութեան նախագահը շնորհաւորած է զինծառայողները եւ ազատամարտիկները տօնին ու պետական բարձր պարգեւներու արժանանալու առընչութեամբ:
