Ղարաբաղա-ազրպէյճանական հակամարտ զօրքերու շփման գիծին վրայ հակառակորդի կողմէ զինադադարի դրութեան խախտման իբրեւ արդիւնք՝ երէկ մօտ կէս գիշերին, զոհուած է հայ զինուոր` Կարէն Ուլուբաբեանը` պաշտպանութեան բանակի արեւելեան ուղղութեամբ տեղակայուած զօրամասերէն մեկու պահպանության տեղամասին մէջ: Լեռնային Ղարաբաղի Հանրապետութեան պաշտպանութեան նախարարութիւնը կիսած է կորստեան ծանր վիշտը եւ իր զօրակցութիւնը յայտնած` զոհուած զինուորի ընտանիքի անդամներուն եւ ծառայակիցներուն: Նախարարութիւնը նաեւ նշած է, թէ հակառակորդը զինադադարը խախտած է աւելի քան 55 անգամ՝ հայ դիրքապահներու ուղղութեամբ արձակելով շուրջ 430 կրակոց: Պաշտպանութեան բանակի յառաջապահ զօրամասերը հակառակորդի նախայարձակ աշխուժութիւնը ճնշելու համար դիմած են պատասխան գործողութիւններու եւ շարունակած իրականացնել իրենց առջեւ դրուած մարտական խնդիրը:
Ղարաբաղա-Ազրպէյճանական Հակամարտ Զօրքերու ՇփմանԳիծին Վրայ Կրկին Զոհուեցաւ Հայ Զինուոր Մը
