Յունուար 19 լոյս 20-ին՝ Ղարաբաղա-ազրպէյճանական հակամարտ զօրքերու սահմանագիծի բոլոր հատուածներուն՝ հակառակորդը հրաձգային զինատեսակներով (ներառեալ` խոշոր տրամաչափի գնդացիրներ) հրադադարը խախտած է շուրջ 70 անգամ, որուն ընթացքին հայ դիրքապահներու ուղղութեամբ արձակած է աւելի քան 1050 կրակոց:
ԼՂՀ ՊՆ մամուլի ծառայութեան փոխանցած տեղեկութիւններով` գնդացիրներէն առաւել շատ խախտումներ արձանագրուած են հարաւարեւելեան եւ արեւելեան հատուածներուն (աւելի քան 300 կրակոց):
ՊԲ առաջապահ զօրամասերը լիակատար վերահսկողութիւն կը պահպանեն առաջնագիծի վրայ եւ կը շարունակեն վստահօրէն իրականացնել մարտական դիրքերուն պահպանութիւնը:
