Յունուար 18-ին` ժամը 14:00-ի սահմաններուն, Պաշտպանութեան բանակի հարաւային ուղղութեամբ տեղակայուած զօրամասերէն մէկու պահպանութեան տեղամասին մէջ, հակառակորդին կողմէ արձակուած կրակոցէն, զոհուած է զինծառայող 1997-ի ծնունդ Անդրանիկ Սմբատի Մուսիկեանը:
ԼՂՀ ՊԲ-էն կը յայտնեն, որ դէպքի մանրամասնութիւնները պարզելու համար կը կատարուի քննութիւն:
«ԼՂՀ պաշտպանութեան նախարարութիւնը կը կիսէ կորստեան ծանր վիշտը եւ իր ցաւակցութիւնը կը յայտնէ զոհուած զինծառայողի ընտանիքի անդամներուն, հարազատներուն ու ծառայակիցներուն»,- ըսուած է հաղորդագրութեան մէջ:
19-ամեայ Անդրանիկ Մուսիկեանը Գեղարքունիքի մարզի Գեղհովիտ գիւղի բնակիչ էր: NEWS.am-ին Գեղհովիտի գիւղապետ Վարդան Պօղոսեանը նշած է, որ Անդրանիկը ընտանիքի փոքր տղան էր, ունի իրմէ երկու աւագ եղբայր:
Անդրանիկը պիտի զօրացրուէր մէկ տարիէն:
