Կիրակի, Դեկտեմբեր 25-ին, համշէնահայերուն կազմակերպութեամբ, Պոլսոյ մէջ տեղի պիտի ունենայ խորհրդաժողով մը, որ կը կրէ «Մոխիրներէն յառնել» խորագիրը:
Համշէնահայ լրագրող Ատնան Կենճի նախաձեռնութեամբ կայանալիք այս խորհրդաժողովին ընթացքին ելոյթ պիտի ունենան համշէնահայ մտաւորականներ Հիքմեթ Աքչիչեք եւ Մահիր Օզքան:
Համշէնական «Հատիկ» միութեան ղեկավար եւ «Վովա» երաժշտական համոյթի անդամ Հիքմեթ Աքչիչեք պիտի բանախօսէ Համշէնի պատմութեան մասին, իսկ «Համշէնեան Պատմուածքներ» հատորի հեղինակ՝ Անթուան տը Սեն Էկզիւփերիի «Փոքրիկ Իշխանը» ստեղծագործութիւնը համշէնահայերէնի թարգմանած Մահիր Օզքան, պիտի խօսի Համշէնի իւրայատուկ բարբառին մասին:
Խորհրդաժողովի համակարգողն է Սեհեր Քարաթաշ:
Այս մասին կը յայտնէ «Ակունք»:
