Սիրելի՛ հայրենակիցներ,
Պատմութեան գիրկը անցաւ 2016 թուականը, որ մեր անկախութեան վերականգնման քսանհինգ ամեակի տարին էր: Այն իսկապէս իրադարձութիւններով եւ փորձութիւններով լի ժամանակաշրջան էր:
Ապրիլին տեղի ունեցաւ քառօրեայ պատերազմը: Մարտի դաշտին վրայ մեր ժողովուրդը կրկին ապացուցեց, որ իր հաւաքական ուժը անկոտրում է, հայրենիքը պաշտպանելու կամքը՝ անսասան: Հայաստանի, Արցախի եւ Սփիւռքի միասնութիւնը նենգ ու դաւադիր յարձակումներէն ընկրկելու չէ: Բոլոր փորձութիւններէն մենք դուրս պիտի գանք աւելի ամրացած:
Թո՛ղ մեր յիշողութեան մեջ 2016 թուականը մնայ որպէս ազգային համախմբման տարի: Անցնող տարուան ընթացքին մենք մեզ եւ ողջ աշխարհին եւս մեկ անգամ ապացուցեցինք, թէ ինչ ըսել է ազգային ոգի, ազատութեան եւ հայրենիքի համար պայքարելու կամք:
Այսպիսի ազգային համաձայնութեամբ կը թեւակոխենք մեր անկախ պետականութեան երկրորդ քսանհինգ ամեակը: Մեր անկախութեան առաջին շրջանը պատերազմ եւ դժուարութիւններ դիմագրաւելու փուլ էր: Այդ ընթացքին կերտեցինք Արցախի ազատամարտի յաղթանակը, դրինք հայոց անկախ պետութեան յարատեւութեան հիմքերը:
Ահա այստեղ է իմ լաւատեսութեան աղբիւրը: Նաեւ այստեղ է մեր վաղուան յաջողութիւններու ակունքը: Աւելի լաւ երկիր կառուցելու հաւատը եւ այն պաշտպանելու կարողութիւնը մեզ արդէն դարձուցած են աւելի ուժեղ: Ամէն շաբաթ, ամէն ամիս մենք կատարելու ենք գուցէ եւ փոքր, բայց վստահ քայլ դէպի աւելի լաւ, աւելի արժանապատիւ եւ աւելի բարեկեցիկ ապագայ:
Մենք Նոր Տարի կը մտնենք մեր ուժերէն վստահ: Գալիք 25 տարիները ըլլալու են վերելքի՝ աւելի ուժեղ եւ աւելի բարեկեցիկ Հայաստան կերտելու շրջան: Ճիշդ այդ ոգիով մենք ամէն օր առաջ երթալու ենք բոլորիս համար տեսանելի եւ շօշափելի փոփոխութիւններ իրականացնելու ճանապարհով:
Նոր Տարի կը մտնենք լուրջ եւ իրատեսական ծրագիրներով: Հետեւողական եւ լայնածաւալ փոփոխութիւններու դրական արդիւնքները թէ՛ տնտեսութեան, թէ՛ այլ ոլորտներու մէջ մօտ ապագային զգալու ենք բոլորս: Կը հաւատամ, որ նոր կառավարութիւնը այդ պիտի յաջողի, եւ այդ պիտի ըլլայ բոլորիս յաջողութիւնը:
Եկող տարին վճռորոշ պիտի ըլլայ քանի մը առումներով: 2017 թուականի գարնան կայանալու են Ազգային ժողովի ընտրութիւնները: Մեր հասարակութիւնը միասնաբար կրնայ կազմակերպել այնպիսի քաղաքական գործընթաց, որուն կը վստահի իւրաքանչիւր ներկայացուցիչ: Մեզի անհրաժեշտ են այնպիսի ընտրութիւններ, որպէսզի մեր պետութեան նաւը խուսափի անցեալին յայտնի ստորջրեայ խութերուն բախումէն:
Սիրելի՛ հայրենակիցներ,
Ամանորի տօնական սեղաններու շուրջ բոլորս բաժակ կը բարձրացնենք հայոց բանակի համար, այն մարդոց համար, որոնք այս պահուն կ՛ապահովեն մեր խաղաղութիւնը: Նաեւ կ՛ոգեկոչենք 2016 թուականին ու անկէ առաջ եւ յետոյ անմահացած զինուորներու եւ սպաներու յիշատակը: Մենք ուժ կը մաղթենք անոնց ընտանիքներուն եւ հարազատներուն:
Նաեւ կ՛առաջարկեմ բաժակ բարձրացնել մեր նոր սերունդին, մեր երեխաներուն համար: Անոնք անկախութեան սերունդն են, որ անառիկ կը պահեն մեր սահմանները: Անոնց շնորհիւ եռագոյնը կի փողփողի օղիմպիական խաղերուն: Այս սերունդի ներկայացուցիչները համաշխարհային դպրոցական առարկայական օղիմպիականներէն կը վերադառնան տասնեակ մետալներով: Անոնց ստեղծագործական միտքը կը բանայ աշխարհի ամենաճանչցուած մշակութային եւ գիտական օճախներու դռները:
Անոնց կրթութեան եւ աճի համար մենք ոչ մէկ միջոց խնայելու ենք: Իմ հաստատ համոզմամբ՝ ճիշդ այս կերպ ստեղծելու ենք բազմապատիկ աւելի լաւ Հայաստան, քան այժմ ունինք:
Սիրելի՛ բարեկամներ,
Նոր՝ 2017 թուականին կը մաղթեմ ձեզի եւ ձեր ընտանիքներուն երջանկութիւն, խաղաղութիւն եւ սէր: Շնորհաւո՛ր Ամանոր եւ Սուրբ Ծնունդ:
