Անգարայի դատարանը արգիլած է ԶԼՄ-ներուն լուսաբանել Թուրքոյ մէջ ՌԴ դեսպան Անտրէյ Կառլովի սպանութեան հետաքննութիւնը: Այս մասին, ըստ Artsakhpress.am-ի, կը յայտնէ Anadolu գործակալութիւնը:
Դատարանին մէջ անոր աղբիւրին տեղեկութիւններով` որոշումը ընդունուած է` ի պատասխան մայրաքաղաքի դատախազութեան հայցին: Արգելքի տակ կը յայտնուի մասնաւորապէս յանցանքի վայրէն տեսագրութիւններուն տարածումը, ինչպէս նաեւ տեղեկութիւններուն հրապարակումը` կապուած կասկածեալներու մասին: Անիկա ուժի մէջ կը մնայ մինչ հետաքննութեան աւարտը:
Յիշեցնենք, որ Կառլով սպաննուած էր Դեկտեմբեր 19-ի երեկոյեան` Անգարայի մէջ նկարչական ցուցահանդէսի բացման արարողութեան ժամանակ, ելոյթի պահուն: Յարձակողը` ոստիկան Մեւլիւթ Մերթ Ալթընթաշ, ոչնչացուած էր: ՌԴ ԱԳՆ կատարուածը որակած են ահաբեկչութիւն, իսկ ՌԴ ՔԿ քրէական գործ յարուցած է «Միջազգային ահաբեկչութեան ակտ» յօդուածով:
