Կիրակի, 01. 06. 2025

spot_img

Մեսրոպեանի Աշակերտները Վերանորոգեցին Իրենց Մկրտութեան Խոստումները

Հինգշաբթի, 24 Նոյեմբերին, Սուրբ Փրկիչ եկեղեցւոյ մէջ կայացաւ Սուրբ Պատարագ եւ հոգեպարար արարողութիւն մը, որուն ընթացքին Հայ Կաթողիկէ Մեսրոպեան Բարձրագոյն Վարժարանի 8-րդ դասարանի աշակերտները վերանորոգեցին իրենց մկրտութեան խոստումները: Ներկայ եղան վարժարանի տնօրէն պարոն Կրէկուար Գալուստ, ուսուցիչներ, ծնողներ, ինչպէս նաեւ՝ մասնակից աշակերտներէն շատերու կնքահայրերն ու կնքամայրերը:

IMG_6518_800x533
Պատարագը մատուցեց եւ այս առիթով քարոզեց Մեսրոպեանի հոգեւոր վարիչ տէր Ռաֆֆի քհնյ. Յովհաննէսեան: Իրենց պատգամները յղեցին նաեւ Սուրբ Փրկիչ եկեղեցւոյ ժողովրդապետ Հայր Պերճ վրդ. Սապէ եւ փոխ ժողովրդապետ Հայր Ղազար վրդ. Պետրոսեան:

IMG_6533_800x533

IMG_6634_800x533

Հոգեւորական հայրերը վեր առին մկրտութեան խորհուրդին եւ մկրտութեան խոստումի վերանորոգութեան նշանակութիւնը քրիստոնեայ մարդուն կեանքին մէջ: Անոնք շեշտեցին, որ դէպի գիտակցական տարիք իրենց յառաջացումին մէջ պատանիներն ու պարմանուհիները հրաւիրուած են յաւելեալ խանդով մը փարելու Աստուծոյ, կայանալու համար իբրեւ ճշմարիտ քրիստոնեաներ՝ հաւատքով, յոյսով եւ սիրով:

IMG_6730_800x533

 Տեղեկատուական գրասենեակ
Հայ Կաթողիկէ Մեսրոպեան Բարձրագոյն Վարժարանի

 

 

spot_img

ՆՄԱՆ ՆԻՒԹԵՐ

spot_img
spot_img

ՎԵՐՋԻՆ ՅԱՒԵԼՈՒՄՆԵՐ

Ելեկտրոնային Գրադարան

spot_img

Ara D. Kassabian CPA, based in Glendale, California, provides a full range of tax preparation, accounting and bookkeeping services, either in your facility or at our location. Making it quick and easy to file your taxes.

spot_img

Զօրակցիր Զարթօնք Օրաթերթին